ငါတို့ဗိုလ်ချုပ် 1915 ဖေဖေါ်ဝါရီ 13မှာ မွေးတယ်
အဘယ်သမိုင်းကြောင်းကများ သူ့လောက်ခမ်းနားဖူးပါသလဲ။
13 ဂဏန်း အောင်ဆန်း
ထောင်နှုတ်ခမ်းလမ်းလျှောက်
နယ်ချဲ့မကြောက်တရား ဟောခဲ့သူ။
သမဂ္ဂအမှုဆောင်
အိုးဝေအယ်ဒီတာဘ၀နဲ့
ကျောင်းနံရံတစ်ဝိုက် ဒေါင်းအလံစိုက်ပြခဲ့သူ။
တိုင်းရင်းသား လူမျိုးစုတို့ရဲ့ စည်းလုံးမှုပြယုဂ်အဖြစ်
ရင်ခုန်အသက်ဝင်စေတဲ့ ပင်လုံပန္နက်မြေ စိုက်ထူပေးခဲ့သူ။
ဝိတိုရိယဘုရင်မကြီးအတွက်
ကံဆိုးစေတဲ့ နတ်ဆိုးလေး 13 က
သပေါက်ကျွန် ဝေဒနာခရီးမှာ
ဒေသနာမငြီးနိုင်တဲ့ သံဃာတော်တွေအတွက်
ဆေးဖြစ်ခဲ့တဲ့ သွေးသစ် တစ်စက်။
စတုတ္ထမြန်မာနိုင်ငံတော်ကို
ပြည်သူ့စိတ်ကြိုက် ပုံဖေါ်ထုဆစ်
ဒါဟာ …. သူ့လက်ရာစစ်စစ် ဖြစ်တယ်။
အရပ်ပုပု
မှုန်ကုပ်ကုပ် ညှင်းသိုးသိုး
အညာသား အရိုးခံ
အဖိုးတန်တဲ့ 13။
ပကတိလွတ်လပ်ရေးကိုသာ သူတောင့်တ
တစ်ပြားသားမှ အလျှော့မခံ
အဖြည့်ခံ 13။
အခုတော့ ….
ခေတ်တွေ ပြောင်းတယ်၊ စနစ်တွေ ပြောင်းတယ်
ကာလကြာတော့ အမေ့ခံ 13 ဖြစ်ခဲ့ရပေါ့။
မြန်မာ့နား ရိုင်းရိုင်းပြောမှဝင်တယ်
ဒါ့ကြောင့် အဖြူထည်သက်သက်နဲ့ ရိုင်းပြခဲ့သူ။
လူငယ်ဘ၀ လူ့လောကစည်းစိမ်ကို
လွတ်လပ်ရေးနဲ့ လဲခဲ့သူ။
နိုင်ငံရေးလုပ်သက် 13 နှစ်
ဖိနှိပ်သူနဲ့ ရုန်းထွက်ပြသူ
ဘယ်သူအင်အားကြီးကြောင်း လှစ်ဟပြခဲ့သူ။
အဲဒီ 13 ဂဏန်းက
နေမ၀င်အင်ပါယာကို ကိုင်လှုပ်ခဲ့ဖူးတယ်။
အဲဒီ 13 ဂဏန်းက
ဆိုးညစ်တဲ့ ဖက်ဆစ်စနစ်ကို ထိုးစစ်ဆင် တိုက်ထုတ်ခဲ့ဖူးတယ်။
အဲဒီ 13 ဂဏန်းက
`ရရင်ရ မရရင်ချ´ ၀ါဒနဲ့ နယ်ချဲ့စနစ်ဆိုးကို မျိုးဖြုတ်ခဲ့ဖူးတယ်။
`ကျုပ်တို့ဘ၀မှာ ဗိုလ်ချုပ်ဆိုတာ တစ်ယောက်တည်းရှိတယ်´ လို့
ရဲရဲတောက် ကြွေးကြော်ရဲလောက်အောင်
လူထုရဲ့ တစ်ဦးတည်းသော ကိုယ်စားလှယ်တော်
တိုင်းချစ် ပြည်ချစ် 13 ဖြစ်ခဲ့တယ်။
1947 ဂျူလိုင် 19 မှာ
အာဏာကို အာသာငမ်းငမ်း မက်မောတဲ့
အာဏာရူးဦးစော လက်ချက်ကြောင့်
ကျည် 13 ချက်နဲ့
ကျဆုံးကြွေလွင့်ခဲ့ရတဲ့ ငါတို့ဗိုလ်ချုပ်။
အဲဒီ 13 ဂဏန်းပေါ့
သူယူပေးခဲ့တဲ့ဖလား
သူ့လက်နဲ့ ကိုင်မြှောက်ပြခွင့် ရမသွားရှာခဲ့ဘူးဗျာ။
မြူငှက် (ဆင်ဖြူကျွန်း)
